「保就業」工資補貼計劃 - 大贏家
19/04/2020
政府喺2020年4月8日宣佈推出「保就業」工資補貼計劃,大致係政府向僱主補貼員工工資嘅50%,上限為9000元,為期半年,同時有兩大條件僱主必須遵守:不可裁員、所有補助用於員工身上。
因著補貼計劃受惠嘅唔單止有小商舖,仲有好多員工眾多嘅大型企業。你又知唔知有一間本地上市公司,假設所有員工都得到上限9000元工資補貼,喺今次為期半年嘅補貼計劃所得到嘅資助有超過10億元!超過今年全年預計利潤嘅2倍有多!可謂「保就業」工資補貼計劃之中嘅大贏家。
根據大家樂集團(341)嘅2019/20中期業績報告,大家樂集團截至2019年9月30日止六個月嘅營業額達42億6,378萬元,利潤則有1億8,805萬元,預計今年全年利潤有4億元,而員工數目總共有20,337人。
假設集團內所有員工都得到上限9000元工資補貼,喺今次為期半年嘅「保就業」工資補貼計劃得到嘅資助就會係20,337人*9000元*6個月=10億9819萬元,超過2019/20年度六個月營業額42億6,378萬港元嘅四分之一,亦係全年預計利潤4億元嘅2.5倍有多﹗即係話就算大家樂集團呢半年1元都冇賺過,都會有10億9819萬元落袋。
#N2NAFE #新冠肺炎 #保就業工資補貼計劃